{ LIFESTYLE }
14 Feb 2020
古天樂撲2萬個口罩 為年長藝人解困

武漢肺炎肆虐,全港市民一罩難求,市面口罩數量非常有限,很多更被炒至天價,令好多長者都未能買到。娛樂圈中有不少年長藝人都同樣買不到口罩,好似老牌演員余慕蓮同盧宛茵,她們分別要循環用兩日、以及靠棉布口罩內加紙巾再用保鮮紙代替。身為香港演藝人協會會長的古天樂得知消息後,立即去撲咗2萬個口罩,幫助一班年長藝人。



古天樂表示疫情日益嚴重,知道香港好多長者就算排隊都未必買到口罩,所以就即刻去搵口罩,暫時成功搵到2萬個運到香港,之後會陸續派發。而佢亦有繼續落訂,但未能確認第二批可以有幾多口罩運抵香港,因為有好多國家已經禁止口罩出口。


身為香港演藝人協會會長的古天樂,一直很照顧行內的基層員工及長者,他認為要有完善機制幫助前輩藝人。每逢電影慶功宴都有抽獎環節,古天樂都會故意抽出基層工作獲獎。據知,演藝人協會早前獲慈善牌照,將每年春茗改為籌款騷,為日後有需要的演藝前輩之用。

News
Feature
Blog
Load more
 
NOTIFICATION